ભારતે પ્રથમ ઇલેક્ટ્રિક એર ટેક્સી પ્રોટોટાઇપ e200X રજૂ કર્યું

#GS-3 #વિજ્ઞાન અને ટેકનોલોજી #આર્ટિફિશિયલ ઇન્ટેલિજન્સ #વર્તમાન ઘટનાઓ #રાષ્ટ્રીય #ઇલેક્ટ્રિક વાહનો #એવિએશન

શા માટે ચર્ચામાં છે?

ચેન્નાઈની ડીપ-ટેક સ્ટાર્ટઅપ કંપની The ePlane Company (જે IIT Madras ખાતે શરૂ થઈ હતી) એ e200X (PT-01) રજૂ કર્યું છે.
આ ભારતનું પહેલું પૂર્ણ કદનું ઇલેક્ટ્રિક વર્ટિકલ ટેક-ઓફ અને લેન્ડિંગ (eVTOL) એરક્રાફ્ટનું મોડેલ છે.

eVTOL એ બેટરીથી ચાલતું અને કોઈ ધુમાડો કે પ્રદૂષણ ન ફેલાવતું વિમાન છે, જેને સામાન્ય રીતે ઇલેક્ટ્રિક એર ટેક્સી કહેવાય છે.
તે હેલિકોપ્ટરની જેમ સીધું ઊભું ઊડી અને ઉતરી શકે છે, અને પછી સામાન્ય વિમાનની જેમ આગળ પાંખો વડે ઊડી શકે છે.
આ e200X એરક્રાફ્ટનું પૂરેપૂરું ડિઝાઇન, એન્જિનિયરિંગ અને પ્રોડક્શન The ePlane Company એ જાતે જ ભારતમાં કર્યું છે.

એન્જિન ફેરવવાની જટિલ પદ્ધતિને બદલે આમાં બે અલગ સિસ્ટમ છે: હવામાં ઊભા રહેવા માટે 6 ઊભા રોટર અને આગળ વધવા માટે 4 પ્રોપેલર આપેલા છે.
આમાં ડિસ્ટ્રિબ્યુટેડ ઇલેક્ટ્રિક પ્રોપલ્શન (DEP) છે, જેથી ઉડાન દરમિયાન એકાદ મોટર બગડી જાય તો પણ બાકીની મોટરો બાજી સંભાળી લે છે અને પ્લેન સલામત નીચે ઉતરી જાય છે.
તેની પેટન્ટ કરાવેલી પાંખો ઓછી ઝડપે પણ સારો આધાર આપે છે, તેથી મોટી કે પહોળી પાંખો વગર પણ વિમાન હવામાં સ્થિર રહે છે.
તેમાં 800V ની હાઇ-વોલ્ટેજ ઇલેક્ટ્રિક સિસ્ટમ અને NVIDIA IGX Thor પ્લેટફોર્મ છે, જે કેમેરા, લિડાર અને રડારના ડેટા જોડીને પાયલોટને આસપાસનો 360° વ્યુ આપે છે.

આ પ્લેન માત્ર 8 મીટર × 11 મીટર નું જ છે, તેથી તે અલગ એરપોર્ટ વગર સામાન્ય હેલિપેડ કે હોસ્પિટલના ધાબા પર સરળતાથી ઉતરી શકે છે.
તેનું માળખું હલકા કાર્બન-ફાઇબર મટીરિયલમાંથી બન્યું છે અને તેનું કુલ વજન 2 ટન છે.
તે 1 પાયલોટ અને 200 કિલો વજન ઊંચકી શકે છે, જેમાં 2 મુસાફરો અથવા તો દર્દી અને પેરામેડિક આરામથી બેસી શકે છે.
આ એર ટેક્સી એકવાર ચાર્જ કર્યા પછી 110 કિમી સુધી મુસાફરી કરી શકે છે.
સાચું પ્લેન બનાવતા પહેલા NVIDIA Omniverse પર તેની ડિજિટલ ચકાસણી કરાઈ હતી અને નાના મોડેલ પર 10,000 કિમી થી વધુ ઉડાનનું પરીક્ષણ કરાયું હતું.

શહેરોના ભારે ટ્રાફિકમાં અટક્યા વગર ઈમરજન્સી દર્દીઓ, તબીબી ટીમ અને દવાઓને ઝડપથી એક જગ્યાએથી બીજી જગ્યાએ પહોંચાડી શકાશે.
એરપોર્ટ જવાની મુસાફરી ઝડપી બનશે અને શહેરોમાં નક્કી કરેલા રૂટ પર સામાનની હેરફેર સરળ બનશે.