JAXA ના હયાબુસા2 પ્રોબે એસ્ટરોઇડ ટોરીફ્યુન નજીકથી સફળ ઉડાન ભરી

#GS-3 #સાયન્સ અને ટેકનોલોજી #અવકાશ #વર્તમાન બનાવો #આંતરરાષ્ટ્રીય #JAXA #હયાબુસા2 #એસ્ટરોઇડ ટોરીફ્યુન

મુખ્ય મુદ્દા

જાપાનના સ્પેસ પ્રોબ Hayabusa2 એ પૃથ્વી નજીકના એસ્ટરોઇડ Torifune ની માત્ર 800 મીટર નજીકથી સફળતાપૂર્વક ફ્લાયબાય પૂર્ણ કરી છે.
Torifune એ 450 મીટર નો સરેરાશ વ્યાસ ધરાવતો લાંબો પ્રાચીન એસ્ટરોઇડ છે, જે દર 5 કલાક માં પોતાની ધરી પર એક ચક્કર પૂરું કરે છે.
JAXA દ્વારા વિકસાવવામાં આવેલા Hayabusa2 પ્રોબે 2020 માં Ryugu એસ્ટરોઇડમાંથી માટીના નમૂના લાવ્યા પછી પોતાનું વિસ્તૃત મિશન શરૂ કર્યું હતું.
આ પ્રોબ પૃથ્વી પરથી મેન્યુઅલ આદેશો વિના ચોક્કસ ટાર્ગેટ મેળવવા માટે ઈલેક્ટ્રિક ion thruster engine અને ઓટોનોમસ ઓપ્ટિકલ નેવિગેશન સોફ્ટવેરનો ઉપયોગ કરે છે.

જાપાનની સ્પેસ એજન્સીએ જાહેરાત કરી છે કે તેમના સ્પેશ પ્રોબ Hayabusa2 એ પૃથ્વીની નજીક આવેલા Torifune એસ્ટરોઇડની માત્ર 800 મીટર નજીકથી સફળતાપૂર્વક ઉડાન ભરી છે.

Torifune એ પૃથ્વીની નજીક આવેલો એક કિલોમીટરથી નાના કદનો પ્રાચીન એસ્ટરોઇડ છે. તે સૂર્યની આસપાસ પૃથ્વીની ભ્રમણકક્ષાની ખૂબ નજીક ફરે છે, તેથી તે ગ્રહ સુરક્ષા અને અવકાશ વિજ્ઞાનના સંશોધન માટે ખૂબ ઉપયોગી છે.
તેની ભ્રમણકક્ષા પૃથ્વીની ખૂબ નજીક હોવાથી વૈજ્ઞાનિકો તેને સંભવિત ખતરનાક પૃથ્વી-નજીકના પદાર્થ તરીકે વર્ગીકૃત કરે છે.

વૈજ્ઞાનિક અંદાજ અનુસાર Torifune એસ્ટરોઇડનો સરેરાશ વ્યાસ લગભગ 450 મીટર છે.
રડાર ડેટા અને નવી તસવીરો દર્શાવે છે કે આ એસ્ટરોઇડ ગોળ હોવાને બદલે લાંબો અને અસમાન આકાર ધરાવે છે.
આ એસ્ટરોઇડ પોતાની ધરી પર ખૂબ ઝડપથી ફરે છે અને દર 5 કલાક માં એક ચક્કર પૂરૂં કરે છે, જેથી સ્પેસક્રાફ્ટ માટે તેને સતત જોવો પડકારજનક બને છે.

Hayabusa2 એ અવકાશી નમૂના એકઠા કરવા માટે બનાવેલું રોબોટિક પ્રોબ છે. તેણે 2020 માં Ryugu એસ્ટરોઇડમાંથી માટીના નમૂના સફળતાપૂર્વક લાવ્યા પછી, હવે Hayabusa2# નામના વિસ્તૃત મિશન હેઠળ નવા એસ્ટરોઇડ્સની મુલાકાત લેવાનું શરૂ કર્યું છે.
આ ઊંડા અવકાશ સંશોધન મિશનનું સંચાલન જાપાનની સ્પેસ એજન્સી JAXA દ્વારા કરવામાં આવે છે.

આ મિશનનો મુખ્ય હેતુ એ ચકાસવાનો છે કે ધીમી ગતિએ કામ કરતું સ્પેસક્રાફ્ટ પણ ઝડપથી દોડતા એસ્ટરોઇડ તરફ ચોક્કસ દિશામાં જઈ શકે છે કે નહીં.
આનાથી નજીકની ભ્રમણકક્ષામાં સ્પેસક્રાફ્ટ ચલાવવાની ટેકનોલોજી મજબૂત થશે, જેથી ભવિષ્યમાં પૃથ્વી તરફ આવતા ખતરનાક એસ્ટરોઇડને ભટકાવીને રસ્તો બદલી શકાય.

આ પ્રોબની બનાવટ રેફ્રિજરેટર જેવા નાનકડા ઘન આકારની છે, જે લાંબા અંતરની અવકાશી યાત્રા માટે ખૂબ અનુકૂળ છે.
આ સ્પેસક્રાફ્ટમાં હલનચલન કરી શકે તેવા કેમેરા લેન્સ નથી. તેથી એસ્ટરોઇડને કેમેરા સામે રાખવા માટે આખા સ્પેસક્રાફ્ટની દિશા બદલવી પડે છે.
આ પ્લેટફોર્મ ઈલેક્ટ્રિક ion thruster engine નો ઉપયોગ કરે છે, જે વર્ષોની મુસાફરી દરમિયાન સ્પેસક્રાફ્ટનો રસ્તો ખૂબ જ ચોક્કસ રીતે બદલવામાં મદદ કરે છે.
આ પ્રોબમાં ખાસ ઓપ્ટિકલ નેવિગેશન સોફ્ટવેર છે, જે પૃથ્વી પરથી આદેશની રાહ જોયા વિના એસ્ટરોઇડની નજીક પહોંચીને પોતાની મેળે જ ટાર્ગેટ પર નજર રાખે છે.