INS સહ્યાદ્રિ ભારત-દક્ષિણ કોરિયા દ્વિપક્ષીય નૌકાભ્યાસમાં જોડાયું
#GS-2 #વર્તમાન બનાવો #આંતરરાષ્ટ્રીય #GS-3 #વિજ્ઞાન અને ટેકનોલોજી #સંરક્ષણ #દ્વિપક્ષીય યુદ્ધાભ્યાસ #ભારતીય નૌકાદળ #ઇન્ડો-પેસિફિક
મુખ્ય મુદ્દા
- ભારતનું INS સહ્યાદ્રિ જહાજ દક્ષિણ કોરિયાના ROKS મુનમુ ધ ગ્રેટ સાથે દ્વિપક્ષીય અભ્યાસ માટે બુસાન બંદરે પહોંચ્યું છે.
- મુંબઈના મઝગાંવ ડોક શિપબિલ્ડર્સ લિમિટેડ દ્વારા બનાવાયેલ આ જહાજ શિવલિક-ક્લાસ (પ્રોજેક્ટ 17) નું ત્રીજું ફ્રિગેટ છે, જે 2012 થી નેવીમાં કાર્યરત છે.
- આ અભ્યાસનો મુખ્ય હેતુ બંને નેવી વચ્ચે તાલમેળ વધારવાનો અને ઇન્ડો-પેસિફિક ક્ષેત્રમાં દરિયાઈ સુરક્ષા મજબૂત કરવાનો છે.
શા માટે ચર્ચામાં છે?
- ભારતીય નૌકાદળનું સ્વદેશી બનાવટનું યુદ્ધજહાજ INS સહ્યાદ્રિ દક્ષિણ કોરિયાના બુસાન નેવલ હાર્બર પહોંચ્યું છે. તે ભારત-દક્ષિણ કોરિયા દ્વિપક્ષીય નૌકાભ્યાસમાં ભાગ લઈ રહ્યું છે.
યુદ્ધાભ્યાસના મુખ્ય પાસાઓ
- આ અભ્યાસમાં ભારત તરફથી INS સહ્યાદ્રિ અને દક્ષિણ કોરિયા તરફથી ગાઇડેડ મિસાઇલ ડિસ્ટ્રોયર ROKS મુનમુ ધ ગ્રેટ ભાગ લઈ રહ્યા છે.
- આ નૌકાભ્યાસનો મુખ્ય હેતુ બંને દેશોની નેવી વચ્ચે દરિયાઈ સહયોગ વધારવાનો અને કામગીરીની તૈયારી મજબૂત કરવાનો છે.
- બંદર પરના તબક્કામાં બંને દેશના સૈનિકો એકબીજાના જહાજની મુલાકાત લેશે અને રમતગમત તેમજ તાલીમ દ્વારા પોતાના અનુભવો શેર કરશે.
- દરિયાઈ તબક્કામાં બંને દેશોના યુદ્ધજહાજો સાથે મળીને કામ કરશે જેથી દરિયામાં સામૂહિક રીતે ઓપરેશન કરવાની ક્ષમતા સુધરે.
- આ યુદ્ધાભ્યાસથી ભારત અને દક્ષિણ કોરિયા વચ્ચેની ભાગીદારી વધુ મજબૂત થશે અને હિંદ-પ્રશાંત ક્ષેત્રમાં શાંતિ અને સુરક્ષા જાળવવામાં મદદ મળશે.
INS સહ્યાદ્રિ વિશે જાણવા જેવું
- INS સહ્યાદ્રિ એ શિવલિક-ક્લાસ (પ્રોજેક્ટ 17) નુ ગાઇડેડ મિસાઇલ સ્ટીલ્થ ફ્રિગેટ છે. આ શ્રેણીમાં INS શિવલિક અને INS સતપુડા પછી આ ત્રીજું જહાજ છે.
- આ યુદ્ધજહાજની ડિઝાઇન ભારતીય નૌકાદળના વોરશિપ ડિઝાઇન બ્યુરોએ તૈયાર કરી છે અને મુંબઈની મઝગાંવ ડોક શિપબિલ્ડર્સ લિમિટેડ (MDL) એ તેને બનાવ્યું છે.
- આ જહાજ 2012માં ભારતીય નૌકાદળમાં સામેલ કરવામાં આવ્યું હતું. તે હવામાંથી થતા હુમલા રોકવા તેમજ દરિયાઈ સપાટી અને સબમરીન સામેના ઓપરેશન માટે સક્ષમ છે.