વિન્ડ ટર્બાઇન સપ્લાય ચેઇન મેનેજમેન્ટ પોર્ટલ WT-MARUT

#GS-3 #અર્થવ્યવસ્થા #ઇન્ફ્રાસ્ટ્રક્ચર #ઊર્જા #વર્તમાન પ્રવાહો #રાષ્ટ્રીય

શા માટે ચર્ચામાં છે?

કેન્દ્રીય નવી અને પુનઃપ્રાપ્ય ઉર્જા મંત્રીએ ભારતનું પહેલું વિન્ડ ટર્બાઇન સપ્લાય ચેઇન મેનેજમેન્ટ પોર્ટલ WT-MARUT લોન્ચ કર્યું છે.
આ પોર્ટલ ગોવા ખાતે યોજાયેલી ગ્લોબલ વિન્ડ ડે કોન્ફરન્સમાં લોન્ચ કરવામાં આવ્યું હતું.

WT-MARUT એ ભારતનું પહેલું સ્વદેશી અને સેન્ટ્રલાઈઝ્ડ ડિજિટલ પ્લેટફોર્મ છે જે પવન ચક્કી બનાવતા સપ્લાય નેટવર્કને સંભાળવા અને ટ્રેક કરવા માટે બનાવવામાં આવ્યું છે.
આ પોર્ટલ મિનિસ્ટ્રી ઓફ ન્યુ એન્ડ રિન્યુએબલ એનર્જી (MNRE) હેઠળ કામ કરે છે.
આનો મુખ્ય હેતુ દેશમાં જ વિન્ડ યુંનિટ્સ બનાવવાની ક્ષમતા વધારવાનો અને સપ્લાય ચેઇનને મજબૂત કરવાનો છે.

આ પોર્ટલ કાચા માલથી લઈને અંતિમ એસેમ્બલી સુધીના સમગ્ર સપ્લાય નેટવર્ક પર સંપૂર્ણ નજર રાખવામાં મદદ કરે છે.
તે સરકારની અપૂવ્ડ લિસ્ટ ઓફ મોડેલ્સ એન્ડ મેન્યુફેક્ચરર્સ (ALMM) ની સ્થાનિક ખરીદીના નિયમોનું પાલન કરવાનું સરળ બનાવે છે.
તે એક બિઝનેસ-ટુ-બિઝનેસ પ્લેટફોર્મ તરીકે કામ કરે છે જે પ્રોજેક્ટ ડેવલપર્સને સારા સપ્લાયર્સ શોધવામાં મદદ કરે છે.
તે ટર્બાઇન બનાવનારાઓ, પાવર પ્રોડ્યુસર્સ અને સરકારી નિયમનકારોને એક જ પ્લેટફોર્મ પર જોડે છે.
તે સ્થાનિક ઉત્પાદકોને આંતરરાષ્ટ્રીય ગુણવત્તાના ધોરણો મેળવવામાં અને વિદેશી વેપાર વધારવામાં મદદ કરે છે.

ભારતમાં અત્યાર સુધીમાં 56.1 GW પવન ઉર્જા ક્ષમતા સ્થાપિત થઈ છે જ્યારે કુલ સંભવિત ક્ષમતા 1,164 GW છે.
આ પોર્ટલ 2030 સુધીમાં 100 GW ના રાષ્ટ્રીય લક્ષ્યાંકને પ્રાપ્ત કરવામાં વેગ આપશે.
નાણાકીય વર્ષ 2025-26 માં વિન્ડ સાધનોની નિકાસ ₹12,000 કરોડથી વધુ થઈ છે અને ભારતનું લક્ષ્ય 2030 સુધીમાં વૈશ્વિક નિકાસના 10% અને 2040 સુધીમાં 20% હિસ્સો મેળવવાનું છે.