નાફેડ દ્વારા ડિજિટલ હરાજી પ્લેટફોર્મ NAFEX.in લોન્ચ કરવામાં આવ્યું
#GS-2 #GS-3 #ગવર્નન્સ અને સામાજિક ન્યાય #અર્થતંત્ર #કૃષિ #ઇન્ફ્રાસ્ટ્રક્ચર #ઇ-ગવર્નન્સ #વર્તમાન બનાવો #રાષ્ટ્રીય
શા માટે ચર્ચામાં છે?
- કેન્દ્રીય ગૃહમંત્રી નવી દિલ્હીમાં નાફેડ ના નવા ડિજિટલ હરાજી પ્લેટફોર્મ NAFEX.in નું લોન્ચિંગ કરશે.
- આ પોર્ટલનો મુખ્ય હેતુ ખેતીની હરાજીને આધુનિક બનાવવાનો અને સહકારી માર્કેટિંગમાં પારદર્શિતા વધારવાનો છે.
NAFEX.in વિશે
- આ NAFEX.in પ્લેટફોર્મ એ National Agricultural Cooperative Marketing Federation of India (NAFED) દ્વારા વિકસાવવામાં આવેલું ડિજિટલ કૃષિ હરાજી પ્લેટફોર્મ છે.
- તે ખેત પેદાશો અને સહકારી ઉત્પાદનોની હરાજી માટે ઓનલાઈન અને પારદર્શક વ્યવસ્થા પૂરી પાડે છે.
પોર્ટલનો હેતુ
- કૃષિ હરાજીમાં પારદર્શિતા, કાર્યક્ષમતા અને જવાબદારી વધારવાનો આનો મુખ્ય ઉદ્દેશ્ય છે.
- તે સહકારી માર્કેટિંગને મજબૂત બનાવે છે અને ખેડૂતો તથા વેપારીઓ માટે સરળ ડિજિટલ વેપાર વ્યવસ્થા ઊભી કરે છે.
NAFEX.in ના મુખ્ય કાર્યો
- આ પોર્ટલ કૃષિ ચીજવસ્તુઓ માટે ઓનલાઈન હરાજી કરે છે, જેનાથી મેન્યુઅલ કામકાજ ઘટે છે અને પારદર્શિતા વધે છે.
- તે સ્પર્ધાત્મક બોલી લગાવવાની મંજૂરી આપે છે, જેથી યોગ્ય બજાર ભાવ નક્કી થઈ શકે.
- આ એક જ ડિજિટલ પ્લેટફોર્મ પર ખેડૂતો, સહકારી મંડળીઓ, વેપારીઓ, પ્રોસેસરો અને મોટા ખરીદદારો બધા જ જોડાય છે.
- તેનાથી કાગળની કામકાજ ઘટે છે, સોદા ઝડપથી થાય છે અને રેકોર્ડ રાખવાનું સરળ બને છે.
મહત્વ
- આ પોર્ટોલના કારણે વચેટિયાઓની ભૂમિકા ઘટે છે અને ખેડૂતો તથા ખરીદદારો બંનેને સીધો ફાયદો થાય છે.
- નાફેડ નું આ પગલું સહકારી સંસ્થાઓમાં ટેકનોલોજી લાવીને Sahkar Se Samriddhi ના વિઝનને સાકાર કરે છે.