ભારતે સ્વદેશી 'પ્રલય' ક્વાસી-બેલિસ્ટિક મિસાઈલનું સફળ પરિક્ષણ કર્યું

#GS-3 #વિજ્ઞાન અને ટેકનોલોજી #સંરક્ષણ #પ્રલય મિસાઈલ #DRDO #BDL

મુખ્ય મુદ્દા

DRDO એ ઓડિશા ના ડૉ. એ.પી.જે. અબ્દુલ કલામ દ્વીપ પરથી 'પ્રલય' મિસાઈલનું સફળ પરિક્ષણ કર્યું છે.
RCI હૈદરાબાદ દ્વારા વિકસાવવામાં આવેલી આ મિસાઈલ 150 થી 500 કિમી ના અંતર સુધી 500 થી 1,000 કિગ્રા વિસ્ફોટકો લઈ જઈ શકે છે.
તેમાં સોલિડ ફ્યુઅલ અને RLG-INS નેવિગેશન સિસ્ટમ છે, જેનાથી ખૂબ જ ઓછા સમયમાં સચોટ પ્રહાર કરી શકાય છે.
હવામાં રસ્તો બદલી શકતી હોવાના કારણે દુશ્મનના એર ડિફેન્સ સિસ્ટમ માટે આ મિસાઈલને રોકવી લગભગ અશક્ય છે.
આ મિસાઈલથી LAC અને LoC પર ભારતીય સેનાની ક્ષમતા વધશે અને પિનાકા રોકેટ તથા મોટી મિસાઈલો વચ્ચેની કડી મજબૂત થશે.

DRDO એ જમીનથી જમીન પર પ્રહાર કરતી સ્વદેશી 'પ્રલય' મિસાઈલનું સફળ પરિક્ષણ કર્યું છે.
આ પરિક્ષણ ઓડિશા ના કિનારે આવેલા ડૉ. એ.પી.જે. અબ્દુલ કલામ દ્વીપ પરથી કરવામાં આવ્યું હતું.

આ ટૂંકા અંતરની મિસાઈલ છે, જે દુશ્મનના મહત્વના લશ્કરી સ્થળો પર સચોટ હુમલો કરવા માટે બનાવવામાં આવી છે.
હૈદરાબાદની RCI લેબોરેટરીએ DRDO ની અન્ય લેબ સાથે મળીને તેને બનાવી છે. તેમાં પૃથ્વી ડિફેન્સ વ્હીકલ અને પ્રહાર મિસાઈલની ટેક્નોલોજીનો ઉપયોગ થયો છે.
તેનું ઉત્પાદન ભારત ડાયનેમિક્સ લિમિટેડ (BDL) દ્વારા કરવામાં આવી રહ્યું છે.
આ મિસાઈલનો મુખ્ય હેતુ ભારતીય સેના ને એવો શક્તિશાળી વિકલ્પ આપવાનો છે જેનાથી દુશ્મના રડાર અને સૈન્ય મથકોને તુરંત નષ્ટ કરી શકાય.

આ મિસાઈલ 150 થી 500 કિમી સુધી પ્રહાર કરી શકે છે અને 500 થી 1,000 કિગ્રા વજનના હથિયારો લઈ જઈ શકે છે.
તેમાં સોલિડ ફ્યુઅલ એન્જિન છે અને તે ટ્રક પરથી સીધી લોન્ચ કરી શકાતી હોવાથી તેને ગમે ત્યાં ઝડપથી તૈનાત કરી શકાય છે.
આ મિસાઈલ હવામાં પોતાનો રસ્તો બદલી શકે છે અને નીચી ઊંચાઈ પર ઊડે છે, તેથી દુશ્મનનું રડાર તેને પકડી શકતું નથી.
તેમાં RLG-INS નામના નેવિગેશન કંટ્રોલ અને સેટેલાઈટ ગાઈડન્સ સિસ્ટમનો ઉપયોગ થયો છે, જે તેને બિલકુલ સચોટ નિશાન સાધવામાં મદદ કરે છે.
તે દુશ્મનના અલગ-અલગ પ્રકારના મથકો અને બંકરોને તોડવા માટે અલગ-અલગ પ્રકારના વિસ્ફોટકો લઈ જઈ શકે છે.

આ મિસાઈલ આવ્યા પછી પિનાકા રોકેટ અને લાંબા અંતરની બેલિસ્ટિક મિસાઈલો વચ્ચેનું અંતર ભરાઈ ગયું છે.
આનાથી ચીન સાથેની LAC અને પાકિસ્તાન સાથેની LoC પર ભારતની લશ્કરી તાકાત અને સુરક્ષા વધુ મજબૂત બની છે.