જીઆઈ-ટેગવાળી તેજપુર લીચી

#જીએસ-૩ #અર્થવ્યવસ્થા #કૃષિ #ઇન્ફ્રાસ્ટ્રક્ચર #વર્તમાન બનાવો #રાષ્ટ્રીય #ગુજરાત #ભૂગોળ #સંસાધનો

શા માટે ચર્ચામાં છે?

Agricultural and Processed Food Products Export Development Authority (APEDA) દ્વારા આસામથી દુબઈ સુધી જીઆઈ-ટેગવાળી તેજપુર લીચી ની પહેલી આંતરરાષ્ટ્રીય નિકાસ સફળતાપૂર્વક કરવામાં આવી છે.

તેજપુર લીચી એ ભારતની Geographical Indication (GI) રજિસ્ટ્રી હેઠળ સુરક્ષિત એક ઉત્તમ બાગાયતી પાક છે.
તે Litchi chinensis પ્રજાતિનો ભાગ છે અને તેના સારા ગર્ભ તથા પૌષ્ટિક ગુણધર્મોને કારણે બજારમાં ઊંચી કિંમત ધરાવે છે.

આ ફળ મૂળભૂત રીતે ભારતના આસામ રાજ્યના સોનિતપુર જિલ્લાના તેજપુર અને તેની આસપાસના વિસ્તારમાં થાય છે.

આ પાકમાં સ્થાનિક સ્તરે અનુકૂળ એવી બોમ્બાઈ, બિલાતી, ઇલાયચી, પિયાજી અને શાહી જેવી પ્રખ્યાત જાતો સામેલ છે.
દરેક જાત પાકવાના સમયમાં થોડી અલગ પડે છે, પરંતુ બધાનો સ્વાદ એકસરખો સારો હોય છે.
આ ફળ ચમકતા લાલ રંગનું, ખરબચડી છાલવાળું અને અંદરથી ખૂબ જ મીઠું તથા રસદાર હોય છે.
તે બ્રહ્મપુત્રા નદી ના કાંપ દ્વારા સમૃદ્ધ બનેલી ઊંડી, સારી નિકાલવાળી ફળદ્રુપ કાંપ કે ગોરાડુ જમીનમાં સારો વિકાસ પામે છે.
આ પાક માટે ભેજવાળી ઉપ-ઉષ્ણકટિબંધીય આબોહવા, ઠંડી શિયાળાનીઋતુ અને ગરમ ઉનાળાની જરૂર પડે છે.

નિકાસ બજાર મળવાથી ખેડૂતોને સ્થાનિક બજાર કરતા લગભગ 10% વધુ કિંમત મળી છે, જેનાથી તેમની આવકમાં સ્થિરતા આવે છે.
દુબઈ મોકલાયેલી આ ખેપ સાબિત કરે છે કે ઉત્તર પૂર્વ ભારતના ખેત પેદાશો આંતરરાષ્ટ્રીય ગુણવત્તાના ધોરણો પૂરા કરી શકે છે.