કૌમારાકોન-2026: આયુર્વેદિક બાળ આરોગ્ય અને ડિજિટલ આયુષ પહેલોને પ્રોત્સાહન

#GS-2 #શાસન અને સામાજિક ન્યાય #આરોગ્ય #GS-3 #વિજ્ઞાન અને ટેકનોલોજી #આયુષ #કૌમારભૃત્ય #બાળ રોગ ચિકિત્સા #ડિજિટલ હેલ્થ

મુખ્ય મુદ્દા

ભારતના ઉપરાષ્ટ્રપતિએ નવી દિલ્હી માં AIIA ખાતે કૌમારાકોન-2026 ની 3જી આવૃત્તિ નું ઉદ્ઘાટન કર્યું.
આ પ્રસંગે આયુષ સ્ટાર્ટ-અપ પોર્ટલ, આયુડીવા, વમન એપ અને પંચકર્મ એસેસમેન્ટ એપ જેવી સેવાઓ શરૂ કરવામાં આવી.
વૈશ્વિક સંશોધનને પ્રોત્સાહન આપવા માટે AIIA અને અમેરિકાની મહારિષી ઇન્ટરનેશનલ યુનિવર્સિટી વચ્ચે MoU થયા.
આ પહેલ આયુર્વેદમાં સંશોધન વધારીને વિકસિત ભારત 2047 ના વિઝનને સાકાર કરવામાં મદદ કરશે.

ભારતના ઉપરાષ્ટ્રપતિએ નવી દિલ્હી સ્થિત ઓલ ઇન્ડિયા ઇન્સ્ટિટ્યૂટ ઓફ આયુર્વેદ (AIIA) ખાતે કૌમારાકોન-2026 નું ઉદ્ઘાટન કર્યું.
આ કાર્યક્રમ દરમિયાન બાળ આરોગ્ય અને સંશોધનને વેગ આપવા માટે આયુષ ડિજિટલ પહેલો પણ શરૂ કરવામાં આવી.

આ આંતરરાષ્ટ્રીય પરિષદની ત્રીજી આવૃત્તિ છે, જે આયુર્વેદની બાળ આરોગ્ય શાખા કૌમારભૃત્ય પર આધારિત છે.
આયુર્વેદની આ શાખા ખાસ કરીને બાળકોના પોષણ, શારીરિક વિકાસ અને રોગ પ્રતિકારક શક્તિ પર કામ કરે છે.
આ પરિષદનું આયોજન આયુષ મંત્રાલય હેઠળ ઓલ ઇન્ડિયા ઇન્સ્ટિટ્યૂટ ઓફ આયુર્વેદ (AIIA) દ્વારા કરવામાં આવ્યું છે.
આ વર્ષની મુખ્ય થીમ Shaping the Future of Child Health: Global Perspectives, Research Innovations, and Clinical Frontiers in Kaumarabhritya રાખવામાં આવી છે.
તેનો મુખ્ય હેતુ વૈજ્ઞાનિક પુરાવા અને આધુનિક તબીબી પદ્ધતિઓના ઉપયોગથી આયુર્વેદિક બાળ ચિકિત્સાને વધુ મજબૂત બનાવવાનો છે.

આયુર્વેદિક બાળ સારવાર કેટલી સુરક્ષિત અને અસરકારક છે તે સાબિત કરવા વૈજ્ઞાનિક સંશોધન પર ભાર મુકાયો છે.
બાળકોના ખોરાક, શારીરિક વૃદ્ધિ અને માનસિક સ્વાસ્થ્યને એકસાથે ધ્યાનમાં રાખીને સંપૂર્ણ સારવાર આપવાનો પ્લાન છે.
આ પ્રસંગે આયુષ સ્ટાર્ટ-અપ પોર્ટલ, AIIA-iCAINE વેબસાઇટ, આયુડીવા (AyuDIVA), વમન એપ અને પંચકર્મ એસેસમેન્ટ એપ જેવી નવી ડિજિટલ સેવાઓ શરૂ કરાઈ.
સંશોધન અને શિક્ષણમાં સહયોગ વધારવા માટે AIIA અને અમેરિકાની મહારિષી ઇન્ટરનેશનલ યુનિવર્સિટી વચ્ચે MoU કરવામાં આવ્યા.

આયુર્વેદને વૈજ્ઞાનિક રીતે સાબિત કરવાથી લોકોનો વિશ્વાસ વધશે અને વિશ્વભરમાં તેને સ્વીકૃતિ મળશે.
આનાથી આયુષ સ્ટાર્ટ-અપ્સ અને નવી તકનીકોને પ્રોત્સાહન મળશે, જે વિકસિત ભારત 2047 ના સ્વપ્નને પૂરું કરવામાં મદદ કરશે.