નાગરિક ક્ષેત્ર માટે ગરૂડ હાઇ રિઝોલ્યુશન બાયનોક્યુલર્સ લોન્ચ કરાયા

#GS-3 #વિજ્ઞાન અને ટેકનોલોજી #સંરક્ષણ #અર્થતંત્ર #વર્તમાન બનાવો #રાષ્ટ્રીય

મુખ્ય મુદ્દા

ઇન્ડિયા ઓપ્ટેલ લિમિટેડ (IOL) એ નવી દિલ્હી ના DPSU ભવન ખાતે નાગરિક ક્ષેત્ર માટે ગરૂડ (GARUD) બાયનોક્યુલર્સ લોન્ચ કર્યા છે.
આત્મનિર્ભર ભારત અભિયાન હેઠળ ઓર્ડનન્સ ફેક્ટરી, દેહરાદૂન દ્વારા આ ડિફેન્સ ગ્રેડ બાયનોક્યુલર્સ બનાવવામાં આવ્યા છે.
આ બાયનોક્યુલર્સમાં 8x ઓપ્ટિકલ મેગ્નિફિકેશન, 7.6-ડિગ્રી ફીલ્ડ ઓફ વ્યૂ અને 610 ગ્રામ વજન જેવી વિશેષતાઓ છે.
આ સાધન વનસંવર્ધન, વન્યજીવ સંરક્ષણ, રમતગમત અને સિક્યોરિટી માટે એક મજબૂત અને સ્વદેશી વિકલ્પ પૂરો પાડે છે.

ઇન્ડિયા ઓપ્ટેલ લિમિટેડ (IOL) નામની મિની રત્ન કેટેગરી-1 સરકારી કંપનીએ નવી દિલ્હી ના DPSU ભવન ખાતે સામાન્ય નાગરિકો માટે સ્વદેશી ગરૂડ (GARUD) બાયનોક્યુલર્સ લોન્ચ કર્યા છે.

ગરૂડ એ ભારતીય સેના અને CAPFs દ્વારા વપરાતા સાધનો પરથી તૈયાર કરાયેલ સંરક્ષણ કક્ષાનું બાયનોક્યુલર છે, જેને હવે નાગરિકો માટે ઉપલબ્ધ કરાયું છે.
આ બાયનોક્યુલરનું ઉત્પાદન સંરક્ષણ મંત્રાલય હેઠળની ઇન્ડિયા ઓપ્ટેલ લિમિટેડ ના એકમ ઓર્ડનન્સ ફેક્ટરી, દેહરાદૂન દ્વારા કરવામાં આવ્યું છે.
તેનો મુખ્ય હેતુ આત્મનિર્ભર ભારત અભિયાન હેઠળ સૈન્ય ઓપ્ટિકલ ટેકનોલોજીનો વેપારી ઉપયોગ કરવાનો છે, જેથી સંશોધકો અને પ્રવાસીઓને સારો સાધન મળી રહે.

તે દૂરની વસ્તુઓને સ્પષ્ટ જોવા માટે 8x મેગ્નિફિકેશન અને 7.6-ડિગ્રી નો પહોળો વ્યુ પૂરો પાડે છે.
વ્યક્તિ પોતાની આંખની જરૂરિયાત મુજબ ફોકસ સેટ કરી શકે તે માટે તેમાં ±5 ડાયોપ્ટર એડજસ્ટમેન્ટ આપવામાં આવ્યું છે.
તેની ગ્રીપ લપસી ન જાય તેવી છે અને રબર આઇકપ્સ પોચા છે, જેથી લાંબા સમય સુધી વાપરવામાં થાક લાગતો નથી.
તેનું મજબૂત અને હવામાન-પ્રતિરોધક માળખું ખરાબ વાતાવરણમાં પણ ઉત્તમ કામગીરી આપે છે.
આ સાધનનું વજન માત્ર 610 ગ્રામ છે, જેથી તેને હાથમાં પકડવું અને સાથે રાખવું ખૂબ સરળ છે.

આ પગલું દર્શાવે છે કે સૈન્ય ટેકનોલોજીનો નાગરિક ક્ષેત્રે સફળ ઉપયોગ કરીને સરકારી કંપનીઓ આવકના નવા સ્ત્રોત ઉભા કરી શકે છે.
પક્ષીદર્શન, જંગલ સુરક્ષા, વન્યજીવ સંરક્ષણ, રમતગમત અને સિક્યોરિટી જેવા કામો માટે આ એક ટકાવ અને સ્વદેશી સાધન પૂરું પાડે છે.